لحم مقلي

..... لحم مقلي بالرز كلاسيك .....







وصفتي اليوم متواضعة جدا و مقاديرها بسيطة جدا و سريعة اذا كان اللحم جاهز ... غير كذا انها خفيفة....
وتقدرين تسوين معاها ايدام خضار سريع او اي مرق تفضليه ... .... وهي هدية لأخواتي العزيزات من بنات حواء اللي تشرفت بتلبية طلبهم .... ولكم ايضا ....

نجي لمكوناتها وهي حسب الرغبة وكمية الأشخاص ...



لحم قطع متوسطة بالعظم او بدون حسب رغبتك
بطاطس مقطع حلقات وسط
بهارات مشكلة مطحونة
كركم
ملح
رز بسمتي منقوع مسبقا
وبس !!!


الطريقة :

اسلقي اللحم مع اي بهارات صحيحة تفضليها وملح ...واحتفظي بماء السلق ...

اقلي شرائح البطاطس في قليل من الزيت وخليها تتحمر قليل .....وبعدين صفيها على ورق المطبخ ...




اضيفي على نفس الزيت قطع اللحم وقلبيها حتى تتحمر شوي ثم تبليها بالملح والكركم والبهارات المطحونة ....
ورشيها بقليل من ماء السلق حتى ما تصير جافة .... وبعدين اعيدي اضافة البطاطس لقطع اللحم وقلبي الجميع ... ثم ابعديهم عن النار وخليهم على جانب .... ممكن تسوين هالخطوات في نفس القدر او في مقلاة عادية وبعدين تنقليهم للقدر ....




اسلقي الرز بماء اللحم وصفيه ....ثم رشيه بقليل من الزيت اذا تحبين ...
بعدين اضيفيه فوق قطع اللحم والبطاطس....



وخليه على نار هادئة الى يتحمر اللحم والبطاطس اكثر ويتنشف الرز .... طبعا بتعرفي اذا كشفتي غطا القدر وطلع بخار كثير وشميتي ريحة تحمر اللحم ... فهذا معناه انه جاهز ....




والحين اغرفي الرز في طبق كبير .... وقدميه ...
عادة اقدم معاه زبادي يناسبه كثير .... وممكن مثل ما قلت تسوين معاه ايدام خضار حسب رغبتك ....



وعليكم بالعافية وان شاء الله ينال اعجابكم .....
الردود

لاليست متواضع الوصفة جميلة ولديدة وممتعة شكرااااااااااااا
لك افضل تحية وتحية